10 kjappe: Jesper Törnqvist

Foto: Arne Flatin

Namn: Jesper Törnqvist
Alder: 32 år
Fødestad: Kimito, Finland
Posisjon: Midtstoppar
Tidlegare klubbar: KSF (ungdomsfotball), FC Boda, SalPa, FC Inter, FF Jaro, Umeå FC, New Orleans Jesters, Alta IF

1. Korleis ser din kvardag ut?
- Eg vaknar med Iver i 6 tida, jobb+trening eller pappaperm med Iver på føremiddag, kvalitetstid med Iver til Birgitte er ferdig på jobb, opp på Høddvoll for trening, middag heime eller på Høddvoll, kveldsjobb på Høddvoll eller Aktiv, heim til kveldsmat, eller om eg er heldig kveldsbad med Iver. Deretter sofatid og godnatt.

2. Beste fotballminne?
- Min første U-landskamp for Finland og kampane mot Aktobe i Europaligaen.

3. Beste medspelar?
- Pål Andre Helland og Niklas Moisander.

4. Beste motspelar?
- Jari Litmanen.

5. Lagets klovn?
- Badr Rahhaoui.

6. Lagets kjekkas?
- Jan Lennart "Jalle" Urke.

7. Korleis ser din draume-11ar ut?
Keeper: Jens Törnqvist.
Forsvar: Steffen Moltu, Jesper Törnqvist, Leonardo Bonucci.
Midtbane: Andrea Pirlo, Sivert Heltne Nilsen, Fredrik Aursnes, Bendik Torset.
Angrep: Alessandro Del Piero, Jari Litmanen, Eirik Ulland Andersen.

8. Fortell noko folk flest ikkje veit om deg:
- Eg er FINSK, ikkje SVENSK ;) 

9. Kva tankar har du om kampen mot Bryne?
- Vi er sjølvsagt skuffa, men samtidig lagt kampen bak oss. Det var ein forhåndsvis jamn kamp som endar med eit stygt resultat. Vi må samtidig sjå bak resultatet og opp og fram, då vi har eit ganske så nytt lag.

10. Kva tankar har du om kampen mot Odd 2 komande søndag?
- Odd 2 spelar nok liknande fotball som A-laget deira. Vi går sjølvsagt for tre poeng heime på Høddvoll!

Trykk her for meir informasjon om kampen mot Odd 2 søndag, sesongkort og billettar!