3-0 tap på Bryne stadion

Kampreferat

1. omgang

Hødd starta kampen best og kunne fort ha tatt leiinga på straffespark. Dessverre for dei blåkvite, så redda Bryne keeper Kris Devaux straffesparket til Torbjørn Kallevåg.

Rett etter straffesparket gikk Bryne i angrep og spelte seg fri på høgrekanten. Eit presist innlegg inn i feltet enda til slutt hos ein umarkert Bryne-spelar som heada ballen i mål. 1-0 til Bryne etter skoring av Mads Bøgild.

Hødd var hakket vassare i banespelet den første halvtimen utan å skape dei store sjansane. Bryne farlige på kontringar.

Siste 15 min før pause bølga banespelet begge vegar. Stort strekk i begge laga skapte rom for kontringar begge vegar. 

Rett før pause kunne Hødd utlikna til 1-1 etter ein stor sjanse til Bendik Rise som sto heilt umarkert på bakerste stolpe. Dessverre gikk skotet høgt over målet til Bryne. 

2. omgang

Bryne starta 2. omgang best og trykte Hødd godt bakover i bana. Det meste handla om heimelaget dei første 10 minutta av omgangen, men Hødd sto godt i mot. Etterkvart kom Hødd meir med i spelet.

Etter at Hødd kom meir med i spelet, så var det dessverre heimelaget som skora igjen. Ein corner til Bryne blir stussa mot bakerste stolpe og Bryne-spissen Aram Khalili satte ballen sikkert i mål. 2-0 til Bryne.

Hødd gjer eit dobbelbytte etter dette for å prøve å kome tilbake i kampen. Ut gikk Bendik Rise og Didrik Sereba. Inn kom Badr Rahhoui og Sondre Beite.

Rett etter byttet til Hødd er Badr farlig frampå! Spissen var plutselig heilt aleine med Bryne-keeper Kris Devaux, men sisteskansen til heimelaget fikk forstyrra Badr nok til at det ikkje enda med mål til Hødd. Stor sjanse!

Like etter har Badr ein ny god muligheit, men dessverre headar spissen like utanfor.

Ettersom Hødd måtte framover i bana, så opna det for store kontringsrom for heimelaget. Bryne utnytta kontringsrommet dei fikk og gikk opp i 3-0 heilt på tampen av kampen. Målskorar Geir Dahle Høyland.

Hødd tok sitt siste bytte etter dette. Ut gikk Amani Mbedule. Inn kom Preben Sætre.

Med litt meir effektivitet kunne Hødd ha skora både to og tre mål i dag, men dessverre gav ikkje sjansane til Hødd uttelling i denne kampen. 

Vi må nok ein gong takke Blåsarane for støtta dei gir laget i kampen! Fantastisk gjeng som er med Hødd over alt!

Fakta

Målskorarar

Mads Bøgild, Aram Khalili og Geir Dahle Høyland.

Gule kort

Patrick Michael Byskata, Andreas Ueland, Bendik Dybdal Torset, Robert Undheim, Daniel Eid, Aram Khalili.

Laget

Jan-Lennart Urke, Steffen Moltu, Jesper Törnqvist, Vegard Heltne, Daniel Eid, Henrik Breimyr, Torbjørn Kallevåg, Bendik Torset, Didrik Sereba (67 min - Badr Rahhaoui), Bendik Rise (67 min - Sondre Beite) og Amani Mbedule (84 min - Preben Sætre).