Alme: - Vi treng den støtta vi kan få
Søndag spelar Hødd heime mot Lysekloster og keeper Ole-Monrad Alme håpar på solid støtte frå tribuna! Toppfotball
Ole-Monrad har hatt ein god sesong og kan vise til berre 13 mål imot så langt i år i seriesamanheng, som gir eit solid snitt på 0,81 mål imot pr. kamp. Ser vi snittet i dei 11 strake sigrane til laget er snittet på ekstreme 0,36 mål imot pr. kamp. Snarten av sesongen var derfor med på å drive snittet litt opp, men uansett er det solide tal sisteskansen kan vise til i saman med resten av laget.
Ole-Monrad vart også kåra til Hødd sin beste spelar i siste heimekampen før ferien mot FK Eik Tønsberg. Både Sparebanken Møre- og Blåsar-prisen gjekk til Hødd-keeperen.
No er han klar for ein spennande haustsesong!
Korleis føler du sesongen så langt har gått for din eigen del og laget?
- Etter ein dårleg start har vi heva oss. Vi står godt samla og alle har eit felles ønske om å prestere betre og betre for kvar kamp. For min del er det utruleg kjekt å sjå korleis vi har utvikla oss som lag frå oppstarten av sesongen. Vi stille krav til kvarandre og har eit ønske om å bli betre for kvar dag.
Eit målsnitt imot på 0,83 etter 16 kampar og 0,36 dei siste 11 kampane er vel noko du er godt fornøgde med?
- Absolutt. Det viser at vi som lag er gode på å forsvare oss. Det er alltid spennande når det kjem nye spelarar inn og det tek litt tid å bli kjent med kvarandre. Vil sei at målsnittet seier litt om kor vi står som lag og at vi kjenner kvarandre betre.
Siger på bortebane mot Viking 2 og ein god start på haustsesongen. Kor viktig var det å få ein god start på haustsesongen?
- Veldig kjekt at vi klare å fortsette der vi slapp vårsesongen. Vi har framleis ting å gå på, men vi tek steg både offensivt og defensivt.
No er det klart for første heimekampen etter ferien, og først ut på heimebane er Lysekloster. Korleis ser du på denne kampen?
- Det blir ein tøff kamp på heimebane. Lysekloster slo Arendal borte førre helg, så vi må frå første sekund vere klare. Trøkke til i duellane, spele vår fotball og gjere det kjekt for publikum som kjem å ser på.
Kjøp kampbillett her!
Har du ei oppmoding til publikum før kampen?
- Vi treng den støtta vi kan få, så høyr med familie, nabo, slekt eller andre om dei vil bli med deg på kamp! Vi ønska alltids å fylle stadion med innhaldsrik fotball som fenge.
Vi ønsker Ole-Monrad og laget lukke til i kampen mot Lysekloster søndag!
