Årets første poeng på bortebane
Hødd reiser heim til Ulsteinvik med 1 poeng etter 1-1 mot Vard Haugesund. Årets første poeng er derfor i boks.
1. omgang
19 min: Hødd hadde bra kontroll på kampen i store delar av 1. omgang. Dei blåkvite styrte mykje av spelet og var svært nære tidlig i omgangen etter eit frispark som gikk i tverrliggaren.
28 min: Hødd med nok ein stor sjanse. Daniel Eid kom seg rundt på høgresida og slo eit godt innlegg inn i feltet. Innlegget traff Badr som sto heilt aleine på ca. 7 meter. Dessverre, så fikk Vard Haugesund blokkert skotet frå spissen.
33 min: 0-1 til Hødd!!! Dei blåkvite kombinerar fint og plutselig er Kallevåg heilt aleine med keeper. Midtbanespelaren er iskald og sett ballen i mål!
41 min: 1-1 Vard Haugesund. Hødd med balltap sentralt i bana på eigen banehalvdel og Vard Haugesund spelar pasninga direkte framover og til Erling Flotve Myklebust som kjem aleine mot Jan-Lennart i Hødd målet. Spissen sett ballen sikkert i målet.
Pause: Ein relativt jamne førsteomgang der Hødd skapte dei største sjansane.
2. omgang
47 min: Andreas Ulland Andersen (bror til tidligare Hødd-spelar, Eirik Ulland Andersen) skyt like over. Eit godt skot, men Jan-Lennart med god kontroll på skotet.
52 min: Ulland frampå igjen med eit godt skot, men keeper får klarert til corner.
60 min: Nok ein godt forsøk av heimelaget. Vegard Sætre med godt skot utanfor 16 meteren, men nok ein gong er Jalle med på notane.
Begge lag hadde sine halvsjansar på corner etter dette, men ingen store sjansar.
Oppsummering
Hødd best i 1. omgang og kunne fort ha skora fleire. Omgangen var jamne, men Hødd med eit lite overtak.
Vard kanskje hakket betre i 2. omgang og hadde dei største sjansane, men Hødd sto bra i mot.
Sesongen er i gang og Hødd tek med seg årets første poeng frå Haugesund. No ventar heimreise for laget. Vi ønskjer dei god tur heim til Ulsteinvik og Høddvoll.
Fakta:
Laget
Jan-Lennart Urke, Steffen Moltu, Jesper Törnqvist, Vegard Heltne, Daniel Eid, Henrik Breimyr, Torbjørn Kallevåg, Bendik Torset (Magnus Myklebust, 71 min), Bendik Rise, Didrik Sereba (Sondre Beite, 71 min), Badr Rahhaoui (Amani Mbedule, 77 min).
Neste kamp i PostNord-ligaen er laurdag 22. april kl. 16.00 mot Fram.
