Årets kapteinsteam
Torbjørn Kallevåg er årets kaptein i Hødd, og med seg i kapteinsteamet har han Robin Hjelmeseth, Marcus Mikhail og Tage Johansen. Toppfotball
Kva er rollene til kapteinsteamet inn mot gruppa?
- Det er at vi alle fire går foran og setter ein standard både i trening og kamp. Vere der for laget, og stå opp for laget både i medgang og motgang, seier Torbjørn Kallevåg.
- I forhold til mi eiga rolle, så er det å bidra med mi erfaring, og vere ein sparringspartnar for alle i gruppa. Eg har vore i toppfotballen i 15 sesongar, og opplevd ulike faser i fotballkarriera. Alt frå å site på benk og være misfornøgd til å spele fast og ha ei sentral rolle, så det tenkjer eg er ei styrke.
Kva tenkjer du dykk har utvikla i løpet av vinteren?
- Vi har forsterka det vi var gode på i fjor. Vi er eit solid lag med stort utviklingsfokus både offensivt og defensivt. Vi har utvikla den fysiske delen, og spelemessig det går raskare. Både styrke og kapasitet er forbedra, meiner Hødd-kapteinen.
Kva er forventninga til sesongen?
- Eg har forventningar til at vi skal være tøffe i trynet! Vi skal ha ei offensiv tilnærming til alle kampane, og ha masse energi og entusiasme. Her er mange spennande unge og lokale gutar på laget, og vi skal alle blø for Hødd-logoen!
