Green Yard inn som hovudsponsor i Hødd Fotball

På biletet ser vi CFO Leif Terje Skjæveland i Green Yard og dagleg leiar Jesper Törnqvist i Hødd Fotball.

Verftet har vore ein av dei viktigaste sponsorane i Hødd sidan 70-talet, og ein svært viktig støttespelar som har bidrege til å utvikle klubben og lokalsamfunnet over lengre tid. No tek Green Yard over ballen, og kjem inn som ny hovudsponsor i Hødd Fotball. Green Yard blir derfor ein svært viktig samarbeidspartnar dei neste tre åra.

Dagleg leiar, Jesper Törnqvist er glad for å få Green Yard inn som hovudsponsor.

- At Green Yard kjem inn som hovudsponsor i Hødd Fotball er svært gledeleg. Frå første møtet har samfunnsansvar og lokal støtte vore sentrale tema, og det har vore eit klart ønske frå Green Yard å bli synlege i Ulsteinvik gjennom samarbeid med Hødd Fotball. Vi takka Green Yard for støtta og ser fram til eit godt samarbeid som vil gagne både klubben og lokalsamfunnet.

CEO Hans Jørgen Fedog ser veldig fram til å samarbeide med klubben.

- Vi har sidan oppstarten av Green Yard hatt som mål om å vere ein viktig del av samfunnet der vi driv vår verksemd, og bidra til at nærområda er attraktive stadar å bu. Det er derfor gledeleg at vi no kan ta steget inn som ein hovudsponsor i Hødd dei neste åra og ser veldig fram til å samarbeide med klubben til det beste for lokalsamfunnet i Ulsteinvik, innbyggjarane og våre tilsette, seier CEO i Hans Jørgen Fedog i Green Yard.

På biletet frå venstre: Leif Terje Skjæveland i Green Yard, Jesper Törnqvist i Hødd Fotball og Sigvald Håkonsholm i Green Yard.

Hødd Fotball ønsker å takke Green Yard for avtalen, og ønsker dei velkomne inn som hovudsponsor i klubben og ein del av vårt sponsornettverk.

Vi ser fram til eit godt samarbeid med Green Yard dei komande åra!