Lysekloster neste motstandar

Hødd

Etter ei solid avslutning på vårsesongen med 10 strake sigrar og tabelltopp var det full fortent at trenarteamet, støtteapparatet og spelargruppa fekk seg ein pust i bakken, og litt ferie i sommar for å lade batteria til ein hektisk haustsesong.

Hødd-kaptein Torbjørn Kallevåg og Halvard Kvamme Urnes i aksjon i treningskampen mot Brattvåg i sommar. Foto Arne Flatin

Til tross for litt ferie har spelarane gjort ein god eigeninnsats i sommar, heldt forma ved like, noko ein kunne sjå i treningskampen mot Brattvåg som enda med heile 4-0 til Hødd.

Førre helg venta Viking 2 i det som var første kamp etter ferien. Ein vanskeleg bortekamp mot eit toarlag der ein aldri veit heilt kva lag dei ville stille. Men sjølv om Viking 2 stilte med eit godt lag, tok tidleg leiinga, så viste Hødd kvifor dei kjempar i toppen av divisjonen. Laget snudde kampen etter scoringar av Torbjørn Kallevåg, Robin Hjelmeseth og Elias Heggland Myrlid. Laget kunne derfor reise heim med ein solid 1-3 siger på bortebane og 3 poeng tilbake til Høddvoll. Ein solid start etter ferien!

Til kampen mot Lysekloster kan også Isak Skotheim vere tilbake i kamptroppa etter å ha gjort comeback for Hødd 2 sist mot Ready.

Kjøp kampbillett her!

Lysekloster

Bortelaget Lysekloster har også imponert i årets sesong, og er i dag på ein solid 3. plass på tabellen. Laget er klart best på heimebane med seks sigrar og to tap. Det eine tapet kom mot nettopp Hødd i vår. Mirza Mulac scora Hødd sitt mål i denne kampen.

Lysekloster er i dag eitt av laga i divisjonen som viser best form, og har tre sigrar og ein uavgjort siste fire kampane. Laget har vunne mot FK Eik Tønsberg, Ørn Horten og Arendal. Uavgjortkampen var mot Brattvåg. Siste tap kom borte mot Jerv i juni der laget tapte 3-1.

Lysekloster har også tidlegare Hødd-spelar Deniss Korneiciks som var innom klubben i 2022-sesongen. Tidlegare i år var også Peter Hasund ein del av laget, men han har takka for seg i klubben og flytta på seg til haustsesongen. Peter trena ei periode med Hødd i sommar og scora også det siste målet i treningskampen mot Brattvåg i sommar.

Bli med og støtt laget

No venta første heimekamp på Høddvoll denne hausten, mot eit av topplaga i PostNord-ligaen avd. 1. Dette kan du ikkje gå glipp av. Vi gler oss til ny kamp på Høddvoll!

Vi oppmoda publikum til å heie laget fram i kampen mot Lysekloster, lage god lyd og stemning, og vere lagets 12 mann i saman med Blåsarane og MiniBlå.

Vi ønsker laget lukke til i kampen mot Lysekloster!