Ronny: - Spelarane ønsker seg hjelp frå publikum

Onsdag spelar A-lag damer finale i Sunnmørsposten Cup når Herd gjestar Høddvoll. Det blir ei fin ramme rundt kampen der målet er å sett eit ekstra fokus på like moglegheiter.

Vi oppmoda derfor alle til å kome på kampen, støtte laget, og klubbens arbeid for like moglegheiter.

Hent ut gratis kampbillett her!

Hovudtrenar Ronny Osnes seier spelarane ønsker seg hjelp frå publikum og vil sette pris på alle som kjem for å løfte laget framover til siger.

- I kampane i Sunnmørsposten Cup har vi scora mange mål. Det er lett å gå i den fella å drible ein ekstra, ta større risiko, droppe returløp, droppe å ta duellen osv når du vinn komfortabelt. I desse kampane har vi ikkje gjort det, men køyrt på vidare, og spelt godt og vore effektive og scora mykje mål.

- Finalen i Sunnmørsposten Cup er noko vi ser fram til. Rammene rundt, motstandaren og spenninga om å ha lyst å vinne ein finale noko eige. Det handlar om å handtere og elske denne ramma rundt kampen. Slike spelarar har vi. 

- Vi har spelt 4 kampar mot Herd denne sesongen, 2 sigrar, 1 tap og 1 uavgjort er fasit på disse. Alle kampane har vore jamne og levd heilt til siste fløytesignal. Det er ingen grunn til å forvente noko anna denne kampen. 

- Herd er sterke fysisk, ønsker seg fort framover og har målscorarar. Dette er først og fremst det vi må handtere og demme opp for. Vi vil ønske å ha ballen mykje i kampen og så handlar det om å bruke den godt. Variasjon mellom hurtige angrep og lengre angrep er slik vi ønsker å stå fram. Spelarane ønsker seg hjelp frå publikum og vil sette pris på alle som kjem for å løfte laget framover til siger. Det vil bli ein kamp som spelarane alltid kjem til å huske, og det minnet vil vere ekstra godt og sterkt med ein pokal i handa.

Vi ønsker Ronny og laget masse lukke til i finalen mot Herd i Sunnmørsposten Cup!