Tare Cup 2022 / Hødd

Vi ser fram til å ønske alle lag velkomne til Sparebanken Møre Arena når Tare Cup blir arrangert denne helga!

Framsida / Nyheiter /

I samarbeid med Generalsponsor Sparebanken Møre ønsker vi liten og stor velkomne til fotballfest i Sparebanken Møre Arena i Ålesund. Det er i år rekordpåmelding til årets Tare Cup.

Ca. 1 600 spelarar fordelt på 223 lag frå 42 klubbar skal i aksjon denne helga.

- Vi ønsker å takke alle klubbar og lag som har meldt seg på årets Tare Cup. Veldig gledeleg med rekordpåmelding til årets turnering. 421 kampar skal gjennomførast fordelt på laurdag og søndag, og dei første kampane vil starte kl. 09.00 og dei siste vil gå rundt 18.30 begge dagane.

- Det er også venta rundt 10 000 personar i hallen denne helga. Veldig kjekt for oss som arrangør å legge til rette for så stor aktivitet for så mange barn, seier turneringsansvarleg André Aurvåg Gardshol i IL Hødd Fotball.

Stor aktivitet

Inne i hallen blir det derfor stor aktivitet begge dagar med både 3-ar, 5-ar og 7-ar fotball.

Alle lag vil få minimum 3 kampar under turneringa. For klassene G06 og G07 som spelar 3-ar fotball vil det bli spelt minimum 5 kampar, men med litt kortare speletid enn i dei andre klassene.

Mellom kampane kan spelarar og tilskodarar kjøpe seg mat og drikke frå fleire kioskar inne i hallen, så alt er lagt til rette for to spennande dagar.

Aktivitetsoversikt:

Kampar laurdag og søndag 09.00 – 18.30
Intersport stand med flotte Puma produkt
Testing av skotfot med skotradar
Kiosk
Utdeling av premie frå Sparebanken Møre og Hødd
Eige område for lagfoto

I tillegg til alt som skjer i hallen, så vil også vår trufaste maskot Tare vere til stades under turneringa.

Ei viktig inntektskjelde

- Tare Cup har blitt arrangert i over 20 år og utan innsatsen frå dei rundt 150 frivillige som står på heile helga ville vi ikkje hatt moglegheit til å gjennomført denne turneringa. I tillegg til sponsorane våre som vi er svært takksame for, utgjer Tare Cup ei av dei største inntektskjeldene til Hødd Fotball si breiddeavdeling, seier Gardshol

Tare Cup endeleg tilbake

- Vi gler oss over at Tare Cup endeleg er tilbake etter ei lang og ufrivillig koronapause. Dette er ei sosial og kjekk helg som vi veit veldig mange små ser fram til med glede, og for oss i Sparebanken Møre er det kjekt å få vere med på laget, seier Banksjef i Sparebanken Møre avd. Ulstein og Hareid – Ellen Kvalsund.

Annonse fra Obos-ligaen:

IL Hødd Fotball

Tare Cup 2022

Populære søk

Kommunikasjon og Samtykker

Populære søk

Kommunikasjon og Samtykker

Innlogging på Hødd

Jeg har bruker

Jeg må lage ny bruker