U20 landslagsspelar Ola Visted klar for Hødd

Ola Visted er U20 landslagsspelar og kom akkurat heim frå samling med Martin Håheim-Elveseter. Ein ung og lovande midtbanespelar som kjem inn å forsterka konkurransen på midtbana.

- Ola er ein U20 landslagsspelar med gode ferdigheiter både med og utan ball. Er hardtarbeidande og har stor løpskraft. At Ola og Viking no vel Hødd, er eit godt teikn på at det blir gjort mykje rett i Ulsteinvik, med tanke på spelarutvikling. Vi ønsker Ola velkomen til klubben, seier hovudtrenar Marius Bøe.

Sportssjef Jesper Törnqvist seier det har blitt jobba med å forsterke midtbana.

- Ola er ein spelar med enorm forflytningsevne og løpskapasitet som skal inn å konkurrere på vår midtbane. Vi har i heile vinter og vår jobba med å forsterke midtbana vår og Ola har vore eit namn som stadig har vore diskutert. Når moglegheita til eit lån no kom etter at Ola signerte ein ny avtale med Viking, så kom vi raskt til ein avtale. Vi takka Viking for prosessen og ønsker Ola velkomen til Hødd.

Sportssjef i Viking, Erik Nevland seier Ola er ein spelar Viking har stor tru på.

- Ola er ein veldig spennande spelar som vi har stor tru på. Dette utlånet vil vere ei fin moglegheit for Ola til å fortsette sin utvikling og få ein veldig god arena i eit fint utviklingsmiljø.

Vi ønskjer Ola velkomen til klubben!