U21 landslagskeeper klar for Hødd
U21 landslagskeeper og Molde-spelar Peder Hoel Lervik går på lån til Hødd på nasjonal ordning. Foto: Martin O. Thuve / Molde FK Toppfotball
Etter god dialog med Molde FK vil Peder Hoel Lervik slutte seg til Hødd-laget. Ein ung, spennande keeper med gode ferdigheiter.
- At vi i dag har signert ein låneavtale med Molde om U21 landslagskeeper Peder Hoel Lervik, viser at både store klubbar og spelarar ser på Hødd som ein god plass å utvikle seg. Peder vil kome inn i eit flott utviklingsmiljø, og vil jobbe tett med vår dyktige keepertrenar Frode Gjerde. Takka Molde og Peder for ein hurtig og god prosess, Velkomen til Ulsteinvik, seier hovudtrenar Marius Bøe.
Sportssjef Jesper Törnqvist ønsker Peder velkomen til Hødd.
- Etter ein fin prosess med Molde FK og Peder har vi fått inn ein solid keeper i troppa. Ein moderne keeper med godt tilslag og fysikk, som no skal inn å konkurrere og samarbeide med resten av keeperteamet. Velkomen til Hødd!
Sportssjef i Molde FK, Ole Jakob Valla Strandhagen seier dette er ein fin moglegheit for Peder.
- Klubbane har lange tradisjonar seg i mellom. Dette er ein fin moglegheit for Peder til å ta ytterlegare steg i ein klubb som kjem til å ta godt vare på han.
Vi ønskjer Peder velkomen til klubben!
