Viktig informasjon før bortekampen mot Stabæk

Mandag sparkar OBOS-ligaen 2025 i gang når Hødd spelar borte mot Stabæk på Nadderud stadion.

Mandag er vi endeleg i gang med OBOS-ligaen 2025 når første serierunde blir sparka i gang. Vi gler oss til seriestart - og for ein sesong vi har i vente i år!

Stabæk

Først ut er Stabæk borte på Nadderud stadion mandag kveld. Ein motstandar som er tippa som ein av utfordrane til å kjempe i toppen og om direkte opprykksplass.

Stabæk hadde ein middels sesong i fjor, og enda rett utanfor topp 6 som ville sikra opprykkskvalifisering til Eliteserien. Laget har nok større ambisjonar i år og vil nok vere med heilt oppe i toppen denne sesongen. 

På overgangsvindauget siste dag vart den rutinerte midstopparen Mads Nielsen henta til klubben. Ein rutinert og erfaren spelar som vil vere ein viktig brikke, og leiartype å få inn i laget.

Hødd

Hødd kan sjå tilbake til ein solid sesong som enda med opprykk til OBOS-ligaen. Nivået og motstandarane blir tøffare i år, men Marius Bøe og resten av trenarteamet har jobba godt i vinter med utvikle seg ytterlegare og ta nye steg som lag. 

Ei meir profesjonell tilnærming i form av to treningar i veka på dagtid har vore eit viktig tiltak. I tillegg har trenarteamet blitt styrka med Daniel Andre Kristiansen som har kome inn som fysisk trenar.

Laget har spelt fleire treningskampar i vinter, og har fått gode svar på både form og korleis laget er i rute til seriestart.

Billettinformasjon

Vi håper fleire har anledning til å ta turen til Nadderud stadion og støtte Hødd-laget i bortekampen mot Stabæk mandag.

Hødd sine supporterar skal nytte inngang E og felt 307-309. Feltet har eigne kiosk og toalettfasilitetar.

Det blir ikkje billettsal ved borteinngangen og alle billettar må kjøpast digitalt her!

Bortefeltet er også einaste feltet der Hødd sine supporterar kan bruke supporterutstyr. Kjøper ein billett på andre felt, og bruka supporterutstyr, så kan ein bli nekta adgang eller flytta til bortefeltet på stadion.

Pyro

Det er tillatt med Pyro på Nadderud stadion, men all bruk av pyroteknikk må meldast inn dagen før kamp for godkjenning. Bruk utan godkjenning er ulovleg og vil bli sanksjonert.

Bileter frå kampen

Send oss gjerne bileter frå før, under eller etter kamp. Bileter kan sendast til André på telefon 99 54 21 59 eller på e-post [email protected]

Har du ikkje anledning til å ta turen til Nadderud stadion, så kan du sjå kampen på TV2Play eller Direktesport.

Vi oppmoda uansett alle blåkvite i Ulsteinvik om å samlast på Brygga Sportsbar før kamp!

Annonse fra Obos-ligaen: